XOL: Wararka naga soo gaadhaya gobolka Godey gaar ahaan magaalada Iimey ayaa waxaa laga sheegayaa in ciidamada Jabhadda ONLF ay dileen dad gaadhaya Todobo ruux oo udhashey deegaanka Iimey ayna ku dhaawaceen 12 ruux, kadib markii ay xabadeeyeen labo baabuur oo mareysey jidka u dhaxeeya tuulada Abaaqarow iyo Iimey.
Dadkan ku dhintey falkaas ay geysteen ciidamada ONLF ay dhamaantood kasoo jeeda aaggaas lagu laayey iyadoo ay kamid tahey qof dunmar ah dadka dhintey. Illaa iyo hadda lama oga sababta keentey in jabhaddu leyso dad intaas dhan kuna furto rasaas dad saaran baabuur. Wararka qaar ayaa sheegaya in dadka baabuurta saarnaa ay qaarkood hubeysnaayeen oo aan la garaneynin cidda bilaabey rasaasta.
Dadweynaha Ogadenya gaar ahaan kuwa deegaanka Iimey ayaa aad uga xumaadey falkan lala beegsadey dad shacab ah oo baabuur saaran iyadoo aan loo aabba yeelin. Illaa iyo hadda wax jawaab ah kama soo bixin dhanka ONLF oo kusaabsan dhacdadaas. Ma aha markii 1aad ee baabuur meel mareysa dad lagu laayo, dabadeedna dib la iska weydiiyo cidda bilowdey rasaasta.
Hambalyo Dhalasho: Ihaad Cabdijabaar Soo Barbaar!